Música e movemento

Esta actividade está pensada para nenos de entre 3 e 5 anos. Nela preténdese que os nenos se acheguen á música dun xeito lúdico e moi divertido.

Empreganse diferentes metodoloxías para que a aprendizaxe da linguaxe musical sexa semellante á da lingua materna e que os nenos a aprendan sen dificultades.

Nas sesións, os nenos explorarán o ritmo e a melodía a través de xogos e actividades interactivas usando instrumentos sinxelos, cancións, bailes, potenciando o desenvolvemento de habilidades motoras e cognitivas mentres se divirten.

Ao final do curso, preténdese que se fomentase a creatividade e a expresión corporal e se aprenderan conceptos musicais básicos dun xeito lúdico e participativo.

Música para bebés

Esta actividade busca estimular o desenvolvemento temperán de diferentes habilidades cognitivas, motoras e emocionais permitindo aos máis pequenos interactuar con diferentes sons, ritmos e melodías. Ademais, o acompañamento dos pais nesta actividade fortalecerá o vínculo entre pais e fillos. Estas actividades son beneficiosas para o desenvolvemento integral do bebé así como unha forma divertida e enriquecedora de pasar o tempo xuntos.

Algunhas das sesións serán temáticas, embarcándonos pais/nais e nen@s nunha aventura musical da que seremos partícipes tod@s. Noutras ocasións, faremos actividades para traballar diferentes habilidades de forma segmentada.